Oraingo aldiotan, berriz ere, atzerrirako bidea hartu duen hainbat gaztek ongi ikasi behar luke han, hor eta hemen zakurrak ortozik dabiltzala, oinutsik alegia (nahiz eta honik ez luzera zapatadun txakur apain-apainak ikusiko ditugula uste izan nik) eta, bide batez, besterik ere ikasi, hots: atzerrian lurra garratz, ibiñi egik/n oina baratz.
Badirudi, bestalde, aspaldion guraso batzuek seme-alabak esportaziorako hazten eta hezten dituztela. Ikas dezatela ingelesa ondo-ondo, euskaraz paleto hutsak – ‘mamau’ esatea ere badago – diratekeen arren.
Bada, ez. Erle joan-nahiak ez ezti ez abaraska zekiten gure aurrekoek eta gure Amerikak hemen dagozena ere bazekiten, jakin. Batzuk hara eta harago joan izan ziren eta azkenean tanta bat itsasoan. ¿Vascos por el mundo? Baduk/n hoberik! Euskaldunen mundua Euskal Herria da. Hemen behar dugu lan...eta, batez ere, bizi.
![[IRITZIA] Urrutiko intxaurrak](https://aiaraldea.tok-md.com/argazkiak/wGe/vascos%20por%20el%20mundo.jpg)
Gure aurrekoek zerbait bazekiten, gure egungo gazteek ikasi nahi ez badute ere. Lehendik ere bada hainbat hemendik noranahi joana, eta zeinbait’ indiano bihurtu zen; bai eta behar beste dirurik aurreztu ez eta bihurtu ez zenik asko ere. Urrutiko intxaurrak hamabi zirelakoan joan eta bertara orduko bi baino ez zirela ohartu zenik ere bada beredin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide