Izan eta egin

Erabiltzailearen aurpegia
Uztailaren 2an egingo den ekimenaren aurkezpena./ Gure Esku Dago

Garen garena legez, zioen anbiolako esaera zaharrak, eta zirelako garela eta garelako dirateela olerkari berriak. Izan, bagara, baina izangoan dugu erronka, eta erronkarekin kezka, antsia eta ardura. Izan eta egin; izan ere, gu izan gaitezen, egin egin behar dugu; izan eginekin, beraz, eginez izan, gara.

Eta euskaraz gara, edo bestela, ez gara. Nahiz jatorrizko nahiz batuzko euskaraz, izan ere, euskara bera da jatorrizko, eta batu behar, izango bagara. Eginez batu, beti batuz. Euskaraldia beti da.   

Mendiak gureak dira -uztailaren 2an berriz ere argiro erakutsiko dugu- alabaina kaleak behar ditugu gureak. Ez gara anitz baina anizkoiak gara; asko ez, askotarikoak bai. Honela eta guztiz ere, gu beti gu. Eta gugana etorri diren guztiak gu egin behar ditugu, haiek ere gu izan daitezen.

Dena ez dago gure esku, noski, bai, ordea gure esku dagoen dena egiteko nahia eta beharra eta ahala; ezinik, ostera, ez dago gure esku.

Dagigun, bada, egin; izan, garen.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide