Artólazabàl andere txit gorenak eman du berriz ere hizpide. Francoren diktadurari aurka egiteko gure iskilurik onena kaikua genuela, ez besterik. Edo borladun mendigoizalea. Edo mortxilduna kaikua ote zen? Begira nondik, 36ko gudua gure gudariek agian kaikuz jantziz irabazi ahal izango zuten! A, baina Gasteizko alkategaia izan zen, jesuitek egin txosten batean oinarriturik, euskaldunek diktaduran eta geroago ere Espainiatiko indar armatuei harrera abegitsua egin ez geniela salatu zuena, beltzuri egiten genien, antza, gu menperatzera eta jazartera etorri izan ziren guardiacivilei, grisei, eta abarrei. Jakina, kaikuz jantzirik ibilten ginen eta!
Oraindik ere, horretara jarriz gero, frankistei jarki gakizkieke, kaikuz, epaile frankistei batik bat, baldin Jaurlaritzakoek asmorik eta jakiterik balute. Agian, ikusiko ahal dugu inoiz Artólazabàl dotorea ederki kaikutua.
Bada, honetan gagozenez gero, Ukrainara iskilu (eta istilu) gehiago bidali ordez, agian, EAJ-k kaiku edo mendigoizale (jertsea, ez kirolari) pila bat opari liezaieke. Hegoaldeko lau probintziotan ezetz esan genion, baina NATOk bere morroiei ondo ordaintzen omen die, eta Artzalluzen alderdia otsein zintzoen saldoan dagoenez, apurra bada ere, zerbait jasoko ahal luke.