Hangoa zen bezain hemengoa genuen. Mendia zuen gozatzen, honexek eman zizkion osasuna eta bizia. Eta berriro itzuliko balitz iragan zuen aldia, berdin negu berdin uda, maite izango luke mendia. Gainik asko zuen oraindik eginkizun. La Covachatik Gorbeiara, Goikoganen edo Auñamendin oraindik hainbat bide izan zukeen, baina arin joan zaio bizitza! Mendi hegaletan gora, oroitzapen den gerora ihesetan joan zaigu.
Isidoro Derecho Avilako Puerto Castillan zendu bada ere haren errautsak hemen, Euskal Herriko Gorbeia mendian geldituko eta geratuko dira betiko.
Haren adiskide, lagun eta bidaide izan gintuenok, hurrengo igandean, urriak 25, berriro haren mendira igoko gara, oroitzapen zaharrei maitez begira. Goizeko 11etan, Austegiarbin deritzon saroian, Goikoganeren aterpetxean, azken agur eginen diogu.