Behin betiko onartu da Amurrioko Hiri-antolamenduko Plan Orokorra, eta zenbait kontuetan kritikoak bagara ere, gure baldintzapeko babesa eman genion hura gauzatzeari. Izan ere, planak datorren hamarkadan Amurrioren eta etxebizitzaren egoeraren etorkizuna zehaztuko du. Plana burutzeak, hirigintza funtzioaz gain, funtzio soziala ere izan behar du, biztanleen interesen mesedetan jardun behar du eta ez interes pribatuaren mesedetan.
Udalak Planean aurreikusitako etxebizitzen garapenean jarduten badu soilik izango da posible etxebizitza eskuratzeko arazoa konpontzea. Hori da azken hamarkadetan gertatu dena, eta hirigintza kontrolik gabe garatzea eta jabetzako eta alokairuko prezioek gora egitea eragin du.
Lortu dugu 2023ko aurrekontuan 800.000 euro inbertitzea, modu mailakatuan babes publikoko etxebizitzak eraikitzeko faseei ekin ahal izateko (Plangintza Partziala, birpartzelazio-espedienteak, urbanizazio-proiektua, Plangintza Berezia, xehetasun-azterlana, zaratari, generoari, urei eta abarri buruzko txostenak), eta ehuneko handi batean alokairu sozialera bideratzeko. Gure kalkuluen arabera, alokairu sozialeko 200 etxebizitza baino gehiago lor daitezke.