Askotan entzuten dugu gazteek ez dutela irakurtzen eta irakurzaletasuna piztu behar dela. Gurasoen kezka izaten da nerabezaroan sartzen ari diren gazte horiek liburu batekin ikustea.
Has gaitezen hasieratik, gezurra da gazteek ez dutela irakurtzen. Gazteek irakurtzen dute, pantailetara lotuta daudenean irakurtzen ari dira, Whatsappa, edo sare sozialak erabiltzen dituztenean irakurtzen ari dira. Beraz, bai beraien egunerokotasunean irakurri egiten dute.
Eta zelan piztu zaletasuna bestelako testuak irakurtzeko?
Bide ezberdinak jorratu daitezke. Alde batetik, eskaintzan jarri behar da begirada, askotan poemak edo komikiak izaten dira irakurtzera animatzen dituzten testu motak.
Bestetik, aukeratu momentu eroso eta egoki bat irakurtzeko, gauetan afaldu ondoren une interesgarria izan daiteke, modu honetan ere gure gorputza lasaitzen hasten delako.
Eta garrantzitsuena, haur eta gazteek ikusten dutenaz ikasten dute, ez bagaituzte helduak irakurtzen ikusten, etxean helduen artean ez badago eleberri bat irakurtzeko ohiturarik, zaila izango zaigu gazte hauek irakurtzera animatzea.
Beraz, prestatu gune goxo eta eroso bat, eta has gaitezen etxeko denak irakurtzen!