IRITZIA

Kontziliazioa

Erabiltzailearen aurpegia

Ikasturte hasiera probestuz, kontziliazioari buruzko zutabea osatu dute Kokoriko Hezkuntza Faktoriko kideek.

Udak azken egunak bizitzen dituen bitartean udazkena dator bere kolore hori, laranja eta marroiekin. Udazkena gerturatzen denean, haurrak eskolara bueltatzen dira eta helduak beraien lanetara itzuli, ordainduzkoak izan edo ez ordainduzkoak izan.

Garai honetan askotan entzuten da kontziliazioa ezinezkoa dela, oso zaila dela lana eta zaintza uztartzea. Orduan hasten gara fokua eskoletan kokatzen, eskolak izango balira moduan kontziliazio horren bermatzaileak. Haurraren ordutegiak koadratzen eta betetzen hasten gara, eskola, jantokia, eskolaz kanpokoak… Haurra objektu pasibo bat bilakatzen da, toki batetik bestera salto egiten duena inolako erabakirik gabe. Agian bizpahiru eskolaz kanpokoen artean aukeratzen eskaintzen zaio, baina, haurrak bai edo bai denbora tarte horretan okupaturik egon behar du. Haurraren denboraren kudeaketa lan erritmo zorrotz bati lotuta egoten delarik.

Egoera ez da erraza, baina kontziliazioa deitzen den horretan, ez da haurrarengan inolaz ere pentsatzen. Helduen lanaren araberako erritmoa ezartzen zaio haurrari. Gobernuek, haurrengan jarri beharko lukete begirada, beraien beharrak aztertu, entzun, sentitu… eta horren arabera jokatu 
Ziurrenik haurrengan jarriko bagenu begirada, iraileko helburua ez litzake izango haurraren denbora betetzea, baizik eta haurrak bere erreferentziazko pertsonekin ahalik eta denbora gehien ematea.

Ea behingoz uzten diogun sistema egunero erreproduzitzeari eta haurrak logika merkantilista horretan hezteari. Horrela akaso haurren beharretara egokitutako hazkuntza bati ateak irekiko genizkioke eta haurrak merezi duen erdigunea hartuko luke.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide