Ekainean ikasturte korapilatsuari agur esan genion, oso ondo jakin gabe nolakoa izango zen berria. Ikasturte korapilatsua aurrekoa bai, baina baita aukeraz eta aldaketaz beterikoa. Burbuiletan edota talde txikietan funtzionatu izanak erabakiak hartzera bultzatu gintuen askori: familian, eskolan, lanean, … Gure barruak mugitu zituen bizitakoak, argi dago. Horietako bat hezkuntza proiektuetan adibidez, kalera eta naturara ateratzea izan zen. Familiei zirak eta katiuskak eskatu eta aire librean egoteari garrantzia eman zitzaion. Eskola, inguru eta adin tarte batzuetan pentsa ezina zena egi bilakatu zen. Jolasteko, harremantzeko, esperimentatzeko eta ikasteko beste modu bat, eskolarekiko beste bizipen bat, ate berria. Egoera “arrunta” batean agian ezinezkoa eta zoroa batzuentzat, eguraldi txarra aitzaki. Katia Hueso-k behin aipatu zuen “eguraldi txarrari beldur irrazionala diogu, haurrak euriarekin disolbatu ahalko balira bezala”. Aste hauetan ikasturte berriari hasiera eman diogu, malguagoa, ezberdina. Aurreko ikasturteak zabaldutako atea irekita mantentzeko gonbidapena da hau, ez ahaztu kalean eta naturan bizitakoak. Espazio publiko ugari ditugu inguruan plazak, parkeak, belardiak, natur guneak, … Aisialdi taldeen urtetako aldarrikapena izan da kalea berreskuratzea, haur eta gazteak kalean jolastu, bizi eta hezteko beharra. Jolasari eta haurrei kendu zaien lekua eta balioa berreskuratzea. Biziaren parte izan beharrean, momentu eta leku batzuetan egin daitekeen gauza gisa tratatu izan da jolasa. Bizitza ez al da jolasa, eta jolasa ez al da bizitza? Jarrai dezagun kalea berpizten, bizitzen eta hartzen.
Kokoriko Hezkuntza Faktoriaren iritzi zutabea plazaratu dum ikasturte hasiera honetan ere kaleak jolasez betetzeko dei eginez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide