Antzina umeen sorkuntza

Erabiltzailearen aurpegia

Antzina umeen sorkuntza bultzatzeko erreminta zen asperraldia. Besteok egur bat ikusten dugun tokian eurek beisbol makila edo ezpata darabilte

Orain telebistan ikusten denez, edari markak jolas tradizionalak bultzatzeko ekimenean dira, antzinako jostailu sinpleak berraurkitzeko gonbitea egiten. Eta hauxe bera da ADRAtan elkarteak datorren urriaren 6an egingo duena (edari markaren parte hartzerik gabe, guk uste...): umeei antzinako jostailu eta jolasekin olgatzeko aukera.

Izan ere, gure gurasoak eta gu geu dibertitu gaituzten jolasak galduz doaz, ez gaurko umeek jolasten ez dakitelako —ez nuke “abuelo cebolletas” (galdetu nagusiei) baten antzik hartu nahi—, olgetako ohiturak aldatu direlako baizik: haurrek jostailuak badituzte (gehienetan erosiak), euren jostailuak sortzen ibili barik.

Egungo pedagogietan zeinuen sorkuntza bultzatzeko ekimenak ugaltzen dira, baina hau bultzatzeko beharrezko duten gauzarik garrantzitsuena ahazten dugu: aspertu behar dira. Antzinatik umeen sorkuntza bultzatzeko erreminta zen asperraldia; honela, besteok egur bat ikusten dugun tokian eurek beisbol makila edo ezpata darabilte.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide