Artilezko artea

Erabiltzailearen aurpegia

Gure amamek etxean halabeharrez egiten zituzten eskulanak hurrengo belaunaldiak alboratuta utzi zituen kultura zaharkituaren seinale zirelakoan. Ehundu, josi, puntua egin, trikotatu, kakorratz-lana egin eta horrelako jarduerak baztertzen joan ziren berdinketaren bila zihoan gizartean, emakumeak etxetik atera baitziren kalean ikasi eta lan egiteko.

Hala ere, mundu globalizatu honetan, hainbat arte, kultura eta ingurumenaren aldeko mugimenduk “amamaren lan” horiei esanahi berria eman diete.

Gaur egun, norberak egindako produktuak sormen artistikoa lantzeko aukera eskaintzen du. Lehen mendetasun eta esanekotasunarekin erlazionatutako lanak, egun, nortasunaren errebindikazio bihurtu dira; zure bizimodua, zure bizitza, zure ingurunea diseina ezazu.

Kalera atera den kakorratz-lanak hainbat izen jaso ditu, besteak beste, yarn bombing (artilez bonbardaketa), crochet gerrilla, kakorratz gerrilla, urban knitting (hirian trikotatu) edo graffiti ekologikoa.

Mugimendu fresko, koloretsu eta harrigarri hau Amurriora ere heldu da.

Astero biltzen diren sei emakumeren artean kolore anitzeko basoa sortu dute; zuhaitzak artilez jantzi baitituzte. Komunean izan duten proiektu hori gauzatzeko, artilea erosi, kolore eta neurriez eztabaidatu duten bitartean, ordenagailurik gabeko sare sozial bat ehundu dute; azken finean gure kaleei epeltasun eta umore puntu bat ezartzera etorri dena.

 

Erakusketa: Izenik gabe

Tokia: Elexondo kaleko oinezkoen aldea,

Akeita tabernaren aurrean (Amurrio)

Noiz arte: Ez dago jakiterik

Sarrera doan

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide