La Milagrosa ikastetxeko ikasleek egindako ekintzailetza-proiektua, 1.232 proiekturen artean, 35 lan onenen barnean aukeratu du La Caixa-k

Erabiltzailearen aurpegia La Milagrosa Laudio 2018ko api. 18a, 01:13

Enara Goikoetxea, Ane Azula, Xabier Jiménez eta Naroa Borbollak lortu dute saria. / La Milagrosa

Lorpen aipagarri honen arduradunak Enara Goikoetxea, Ane Azula, Xabier Jiménez eta Naroa Borbolla dira. La Milagrosako DBHko 4.mailako ikasle hauei ideia berritzaile hau bururatu zitzaien: ekodiseinuan oinarritutako eraikin adimenduna, ECONSTRUCCION izendatu dutena. Bere ezaugarri nagusien artean ur eta energiaren aurrezpena dago. Proiektu hau egitea Ekintzailetza eta enpresa jardueretarako hastapena irakasgaiaren helburuetariko bat zen, eta lana burutzerakoan bi baldintza ezarri ziren, alde batetik metodologia kolaboratiboa erabiltzea eta beste aldetik ideaiaren jasangarritasun ekonomikoa, soziala eta ingurumenekoa lortzea ziren.

Ideiaren bidegarritasuna aztertu ondoren eraikinaren prototipoa diseinatu eta Marketing-estrategia definitu zuten. Emaitza oso ona zen eta La Caixa-k antolatutako “Desafio emprende” izeneko lehiaketan aurkeztu zuten. Orain, beren esfortzuak eta ilusioak saria izan dute: Bartzelonan proiektua defendatuko dute adituen epaimahai baten aurrean eta lehenengo bost finalisten artean geratzen badira Silicon Valley-ra, (San Frantzisko), joateko bidaia irabaziko dute. Oso lan gogorra egin dute eta Bartzelonara joateko saria merezitakoa da, zalantzarik gabe.

Hau da proiektuaren bideoa:

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide