INIDE ( Ikerketa eta hezkuntza dinamizazio talde diziplinartekoa ) taldekoek hitz egingo digute saio teoriko-praktiko honetan. Arratsaldeko 6:00etan hasiko da eta ordu bateko iraupena izango du, gutxi gorabehera.
Hitzaldi honen helburua ikaskuntza kooperatiboa hurbiltzea izango da, batez ere hain aldakorra den mundu honetako errealitate berria garaiz ulertzea kostatzen zaigun pertsonoi; ikastetxetik metodologia honek gaurko munduan bizi diren pertsonen garapen osoari erantzuten diola ulertzen dugulako.
Mintzaldi hau erlazionatuta dago datorren ostiralean, azaroaren 16an, 8:30etik 9:30era ikastetxeko sarrera nagusian egingo den “Mens sana in corpore sano” ekintzarekin; Laudioko auzokide guztiok gonbidatuta zaudete.
“Mens sana in corpore sano” ama orearekin %100 zekalez egindako ogia dohainik banatzean datza; den-dena egin dute La Milagrosa ikastetxeko DBH 3. mailako ikasle batzuek, orearen hartziduratik labean sartu arte.
Ama orearekin egindako ogi hau “Mens sana in corpore sano” izeneko diziplinarteko proiektu bat da; lan kooperatiboan oinarrituta.
Proiektuaren xedea ogiaren elaborazioa eta ondorengo banaketa erabiltzea zen, curriculumaren ezagutza eta gaitasunak eta jarrerak garatzea. Hau guztia, talde ikuspegitik, lankidetzan eta helburu partekatuarekin. Gainera, dieta osasuntsuaren garrantziaz kontzientziatzea bilatzen du.
