Arrañoko orkideak babestu, miretsi ahal izateko

Erabiltzailearen aurpegia

Badira hiru urte herriko txoko eder honen natura aberastasuna balioan ipintzeko ekimen ezberdinak martxan ipini genituela.  Zalantza barik,  Arrañoko aberastasun horren ikur nagusienetakoa  orkideak dira, izan ere,  udaberriero  lore familia eder  honen hogei ezpezie inguru hazten bait dira  bertako larreetan ,  berezi-bereziak horietako batzuk.

Blog honetan sarritan  izan dugu hizpide orkideak eta  espezie batzuen inguruan aritu izan gara, beti ere loreon kalteberatasuna  agerian utziz. Zaugarritasun hori are agerikogoa suertatzen da arriskuan dauden espezieak direnean. Gurean, bi espezie dira (zein baino ederragoak) mehatxatutako landareen zerrenda gorrian daudenak:  bata, Orchis italica, espezie kaltebera bezala katalogatuta; Himantoglossum hircinum bestea, "espezie bakanak” atalean agertzen dena. 

https://www.euskadi.eus/y22-bopv/es/p43aBOPVWebWar/VerParalelo.do?cd2011000937

Gure orkideen  zaurgarritasunaren berri eman  dugu behin baino gehiagotan eta  Arrañoko naturgunearen kasuan hauxek dira antzemandako   mehatxu nagusiak: abeltzaintza  gainkargaren ondoriozko kalteak batetik; landare aniztasuna aintzat hartzen ez duten loregintza praktikak bestetik; eta azkenik, herritarren ezjakintasunaren ondoriozko kalteak.

Mehatxu horiek ekiditea,  espezie kalteberen kontserbazioa eta  herritar guztiei lore eder hauek arduraz miresteko aukera ematea lirateke ekimen berri honen xedeak. Horretarako,  arriskuan dauden espezie horien ale guztiak (4 osotara)  babestu ditugu sare metalikoekin, kartel informatiboez lagunduta.  Hesitutako  orkideak bisitatuez gero,  beste  espezie batzuk ikusteko aukera izango dugu eta beraz, gozatu!

Itxiturek aipatu helburuak beteteko dituztelakoan, bisitariei  ingurua gozatzeko eta errespetatzeko deia egitea besterik ez da falta. Arrañoko orkideak ederretsiz, Arrañoko natura eta paisaia zainduz, garai latz hauetan geure burua ere zainduko dugulakoan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide