Oxigenoa euskarari: Laudioko 43 Atxarte eskalada-gune eta Axtxiki mendira

Erabiltzailearen aurpegia Laudio Ibarra 2014ko urr. 23a, 12:19

Igande honetan Laudioko 43 gazte abiatuko dira Durangaldera. Zertara? Euskara arnastu bitartean, Anbotoren inguruan dagoen Axtxiki (791 m) mendira igotzera eta bere barnean gordeak dituen altxorrak (Erdi Aroko gaztelu baten aztarnak, besteak beste) deskubritzera.

 

Irteera, 8:00etan (Institutu aurretik) eta itzulera 16:00etan Atxarte herritik, Oxigenoa euskarari programaren barruan.

 

OXIGENOA EUSKARARI gazteak (12-16 urte, ggb), mendizaletasuna eta, bereziki, euskararen erabilera uztartzeko programa berezi bat da. Mendi-txangoez gain, formazio osagarria hartuko dute: astronomia, lehen sorospenak, elikadura, sukaldaritza, orientazioa... Laudio Udaleko Euskara Arloak antolatzen du eta 2014-2015 ikasturte honetan, egitasmoaren 6. edizioa izango da. Laudio Ikastola, Laudio Institutua eta La Milagrosa ikastetxeko gazteek hartzen dute parte eta kudeaketaz Mendiak eta Herriak mendi-gidarien elkartea arduratzen da.

 

Ikus ezazu zer nolako abenturak biziko dituzten gure gazteek (saka ezazu gainean ikasturte osoko egitaraua ikus edo eskuratzeko): https://app.box.com/s/ee0bfjrqrfowz2i1v2p2

 

Euskara Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide