Dakigunez, azaroaren 1eko gauean defuntuen gaua ospatzen da. Azken urteotan eta Amerikatik etorritako moda arrotzaren eraginpean, mozorrotzeko ohitura berria piztu da, Halloween ("All Hallows' Eve", 'Domu Santu egunaren bezpera') deitzen den egun horretako jaian. Jantziak eta maskarak beldurra ematekoak dira, hildako bizidunen itxura hartuz.
Hori dela-eta, larunbat honetako Sorgin Zapatuak programako saioan, hildakoen jai horretan erabiltzeko maskara harrigarri batzuk egingo dituzte gure umeek.
Zeregin horietan trebatu nahi baduzu, badakizu hurbildu behar duzula Sorgin Zapatuak programaren saiora: larunbatean (urriak 25), Laudioko umeei (5-12 urte) zuzendua, Lamuza Parkean dagoen Udal Ludotekan. Ohi bezala, 17:30-19:30 ordutegian eta doan.
Oraingo honetan ARIMAko gure lagunak arduratuko dira.
Eskulanetarako saioa amaituta, ASKARI GOZOA emango zaie hara bertaratuko diren ume guztiei, indarrak berreskura ditzaten.
Inprimatzeko edo bestelakoetarako bereizmen handiz beharko bazenu kartela, sakatu honen gainean: 2014 10 25 KARTELA.
Eta urte osoko saioen egutegia eta bakoitzeko kartela eskuratu nahi baduzu, sakatu honen gainean: SORGIN ZAPATUAK 2014 - Saio guztiak.