Udal barruko hainbat arazo tekniko bitarte eta ikasturtearen amaiera gertu dugula baliatuta, AMAIERA EMANGO ZAIO "EUSKARASTELEHEN" izeneko egitasmoari.
"Euskarastelehen" euskara arloaren ekimen bat izan da, bereziki udal langile eta herritarrei zuzendua, eta helburu nagusia hizkuntzari buruzko bitxikeriak azaltzea izan duena, betiere hizkuntzaren kalitatea hobetzeko asmoarekin.
Espero ez zen harrera ona eta arrakasta lortu ditu eta hainbat erakundetan, ikastetxetan, euskara planetan eta abarrean erabili izan dira gure ekimen xume honetako oharrak.
Beste aukera baterako utziko ditugu aurreikusita zeuden "BILDUTA NAGO vs BILERA BATEAN NAGO", "GURE AITA vs NIRE AITA", "UZTEN DIDAZU? vs UTZIKO DIDAZU?", "IBILALDIA vs MARTXA", "JOTZAILEA vs JOLE", "TXAKOLIN vs TXAKOLI", "LEHIOA vs BENTANA", "HERRIGUNE vs ERDIGUNE", "HAREN vs BERE" eta antzekoak.
Bitartean hemen dituzu orain arte argitaratutakoak, nahi baldin baduzu, gorde ditzazun. Horretarako saka ezazu artikuluaren izenburuaren gainean. Eta estekekin arazorik baduzu, badakizu errazagoa dela "laudioibarra" blogaren bitartez.
Mila esker irakurle eta ohar emaile ibili zareten guztioi.
04_TXOTXONGILO vs TXONTXONGILO
05_MAKILA BAT vs MAKIL BAT vs MAKIL DANTZA
09_2013 URTEKO vs 2013. URTEKO
12_INAUTERIAK vs ARATUSTEAK vs IÑAUTERIAK
14_NIRE BAITAN vs EUSKARAREN BAITAN
15_KONTUAN HARTU vs KONTUTAN HARTU
19_BEDERATZIEHUN vs BEDERATZIREHUN
21_SAN PRUDENTZIO vs PRUDENTZIO DEUNA
26_EROSTERA vs EROSKETAK EGITERA
27_SANMARTINAK vs SAN MARTINAK
28_GAINERAKOAK vs GAINONTZEKOAK
35_ARATUSTEAK vs INAUTERIAK (2)
37_URAZA vs LETXUGA vs URRAZA (2)
-Felix Mugurutza Montalban-
(Ohar hau laudio udaleko euskara arloaren euskarastelehen izeneko egitasmoaren barruan dago. Euskararen kalitatea hobetzeko asmoz egina dago eta, batez ere udal langileei eta herritarrei zuzenduta dago).