Laudio Ikastolako DBHko ikasleek Ikastolako Lehen Mikroipuin Lehiaketan parte hartu dute aurten. Nerea Santistebanek idatzitako mikroipuinak jaso du sari nagusia eta Iratxe Letonak eta Julen del Arcok idatzitakoek ere Mikel Ayllon eta Txani Rodriguez idazle laudiorren laguntza izan duen epaimahaiaren aipamena jaso dute. Hirurek Zuhaitza liburu-dendan erabiltzeko erosketa bonoak jaso dituzte sari bezala.
Sari Nagusia
Gogoratu ahal nuen gauza bakarra gu ginen, euria egingo zuela desiratzen. Espero nuen agian horrela, biok ikasi ahalko genukeela zertxobait erortzeari buruz, zeruak hodeietan idazten duen bezala.
Noraezean. (Nerea Santisteban)
Aipamenak
Bata eta Bestea
Bi gaztek apustua egin zuten: herriko punta batetik bestera lehena nor iritsi. Irabazlearentzat, 2€.
Bata lerro zuzenean joan zen. Besteak, aldiz, sigi-saga eginez irabaziko zuela esan omen zuen.
Batek galdu egin zuen. Bestea sekulan ez zelako helmugara heldu.
Txema Foro (Julen del Arco)
Musika
Nire bizitza abesti bat da. Ska batekin jaio nintzen eta bals batekin hilko naiz.
Identitate ukatua (Iratxe Letona)