Maiatzaren 17an ospatuko dugu Ikastolako jaia. Ikastolan ikasketak amaitzen dituen 30. promozioaren agurra, 1996an jaiotako ikasleena, ospatuko dugu aurten. Aurtengo ekitaldian 1984 jaiotako ikasleen promozioko kideak batuko zaie ospakizunean.
1981 urtean abiatu zen Ikastolako lehen promozioa, 1967 urtean jaiotako ikasleek osatutakoa. Izan ere, OHO ikasketak amaitu zituzten lehen ikasle haiek, hamalau urte betetzen ari zirela. 1990an berriz, Ikastolak 18 urte bitarteko ikasketak eskaintzean, UBIko lehen promozioa abiatu zen ikastolatik, 1976an jaiotako ikasleek osatzen zuten 10. promozio hura.
Programa oparoa
Ikastolako jaiak adin tarte guztietarako kirol, musika eta aisialdi proposamenak bilduko ditu, besteak beste, hockey, pilota eta futbito partidak, xake lehiaketa, karate erakustaldia, rokodromoa, ipuin irakurketa kolektiboa, gazteentzako graffiti tailerra, haurrentzako puzgarri, jolas eta ikuskizunak, batukada, trikitilarien girotzea, euskal dantza saioak eta ikasleen musika emanaldi akustikoak ere eskainiko ditu. Herri bazkariaren ostean dantza plaza saioa antolatu dugu jaiari amaiera emateko.