Euskararen Urrezko Makila bisitan izan dugu Ikastolan

Erabiltzailearen aurpegia Laudio Ikastola 2017ko ots. 16a, 14:32

Antzinetik euskaldunon kulturan oso garrantzitsua izan da makila. Gure arbasoentzat ehizarako arma eta lanerako tresna izan dena, egun, guretzat ohorezko ikur bilakatu da.

Urriaren 1ean Laudion ospatu zen Euskararen jaian gure herriko eskola guztiei eman ziguten Urrezko Makila, denbora gutxi dela eratu den Euskalgintza Kontseiluaren parte izateagatik eta euskararen alde lan egiteagatik. Guretzat ohore bat da!!

Aste betez Laudio ikastolan izan dugu eta ondoren herriko beste eskola bateko lagunei pasako diegu. Gurekin igaro duen denbora honetan gelaz gela egin du ibilbidea denok ezagutu dezagun.

Balendin eguna izan denez, euskarari maitasun gutunak idaztera animatu gara otsailaren 7 tik 13ra Ikastolako sarreran egon den postontzian bildu ditugularik. Gero Balendin egunean gutun horiek ikusgai jarri genituen berton.

Bukatzeko, otsailaren 14an ere makilari agurra egin diogu bertso saio txiki batez.

Zorionak euskara maite dugun guztioi!!!!!!!

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide