[Lan eskaintza] Garbiketa eta jantokiko zelari eta sukaldari lanpostuetako ordezkapenetarako lan poltsa

Erabiltzailearen aurpegia Laudio Ikastola 2019ko mar. 26a, 13:58

Laudio Ikastola.

Indarrean diren garbiketako langileen eta jantokiko zelari eta sukaldarien ordezkapenak betetzeko lan poltsak agortu berri dira eta pertsona berriak sartzeko beharra du Laudio Ikastolak.

Interesdunek curriculuma helarazi ahal dute curriculumak@laudioikastola.eus posta elektroniko helbidera bidaliz edo idazkaritzan utzita.


Baremazioa
Ikastolako Kontratazio Batzorde Parekideak curriculumean adierazitako prestakuntza eta esperientzia kontuan hartuta, lanpostu bakoitzerako ordezkapenetarako lan poltsatan barematuko ditu eskaerak.

Ordezkapen zerrenden antolaketan ez dira kontuan hartzen gaztelaniaz helarazitako curriculumak.

Euskara
Ikastolako giro euskalduna bermatu dezagun, ezinbestekoa dugu ikasleekiko harremanak zein langileen artekoak euskara hutsean ziurtatzea.

Ordezkapen zerrenda hauetan inskribatzeko ezinbestekoa da lanpostu hauetarako ezarrita dagoen hizkuntza eskakizuna bermatzea:

JANTOKI, GARRAIO ETA ETXEZAINA: B2 hizkuntza eskakizunari dagokion ahozko euskara egiaztatu behar da.

GARBIKETA: B1 hizkuntza eskakizunari dagokion ahozko euskara egiaztatu behar da.

Hizkuntza eskakizun hauek Europako erreferentzia markoan ezarritako A1-A2, B1-B2 eta C1-C2 mailekin bat datoz. Informazio gehiagorako eskatu idazkaritzan Ikastolan indarrean den “Hizkuntz Irizpideak” txostena.

Beharrezkoa denean Ikastolako Kontratazio Batzorde Parekideak beharrezko jo ditzakeen elkarrizketa eta frogak deituko ditu aipatutako ahozko maila egiaztatzeko.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide