Laudio Ikastolak 0 eta 1 urteko haurren matrikula burutzeko prozedura osasun larrialdi egoerak sortutako baldintza berrietara egokituko du. Izan ere, orain arte maiatza hasieran burutzen den matrikula epea, familien beharretara egokituko du eta 2019an eta 2020an jaiotako haurren gurasoek 2020/21 ikasturtearen edozein momentutan burutu ahal izango dute matrikula.
Epeak egokitzeaz gain, matrikula burutzeko prozedura ere egokituko du Ikastolak, familiei tramitazioa era presentzialean burutu beharrean baliabide telematikoekin gauzatzeko aukerak eskainiz.
Horretan ari da egunotan bertoko Ikasketa burua den Izaskun Goitia, “familien beharrak aldatu egin dira egun batetik bestera, eta egoera berrira egokitzeko ahaleginean ari gara egun hauetan”.
Ikastolarekin harremana ahalik eta modu errezenean eskaintzea da aurrean duten erronka eta horretarako matrikula@laudioikastola.eus posta elektronikoa, 94 672 67 37 telefonoa eta www.laudioikastola.eus web guneko matrikula atalean kontaktu formulario bat aktibatu dute.
“Familiei ahalik eta harreman hurbilena eskaini nahi diegu. Ohiko telefono deietatik haratago, bideodeiak eskaintzen dizkiegu gure eskaintzaren informazioa era atseginenean eskura dezaten”.