Heziketa digitalerako prestakuntza saioak, lehen eta bigarren hezkuntzako gurasoentzat

Erabiltzailearen aurpegia

Udaberriko oporren bueltan Laudio Ikastolak heziketa digitalerako prestakuntza saioak eskainiko ditu Lehen eta Bigarren Hezkuntzako gurasoentzat.

Vital Fundazioak bideratutako programa da eta  etapa bakoitzeko ikasleen ezaugarrietara egokitutako edukiak eskainiko ditu. Horretarako etapa bakoitzeko talde bana eratuko da eta talde bakoitzak 2 prestakuntza saio izango ditu.

Bigarren Hezkuntzako gurasoentzako saioak maiatzaren 2an, astelehena,  eta 10ean, asteartea, eskainiko dira. Lehen Hezkuntzako saioak berriz, maiatzaren 4an, asteazkena, eta 17an,  asteartea, burutuko dira.

Saio guztiak Laudioko Kultura Etxeko Arraño gelan burutuko dira 17:00etatik 18:30era. Parte hartzea gaian interesa duen orori irekia bada ere, beharrezkoa izango da aurretik izena ematea hemen.

Talde biek prestakuntza programa berbera garatuko dute, baina talde bakoitzeko etapako ikasleen ezaugarrietara egokitutako eduki eta adibideak landuko dira saioetan:

1. saioa: Heziketa irizpideak, guraso kontrolak, sare sozialen eta online jolasen arrisku batzuk eta horien prebentzioa nola landu daitekeen ikusiko dugu.

2. saioa: Sare sozialetan eta online jolasetan gomendatutako ezarpenak, delituak,  erronkak, arriskuak eta prebentzioa lantzeko irizpideak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide