Ordezkapenak egiteko hiru lan-poltsen deialdia ireki du Laudio Ikastolak

Erabiltzailearen aurpegia Laudio Ikastola 2023ko urr. 27a, 16:10

Bigarren Hezkuntzan ingeles klaseak emango dituzten ordezkoak, Batxilergoan zein Bigarren Hezkuntzan matematika eta fisika klaseak emango dituzten irakasleak eta Haur Hezkuntzan ordezkapenak egiteko interesdunak bilatzen ari da Laudio Ikastola.

BIGARREN HEZKUNTZAN INGELES ORDEZKAPENETARAKO LAN-POLTSA

Laudio Ikastolak Bigarren Hezkuntzan ingelesa arloko ordezkapenak burutzeko lan poltsa osatu nahi du. Interesatuek ondorengo titulazioa izan beharko dute:

  •     Ingeles ikasketetako gradua edo baliokidea.
  •     Bigarren Hezkuntza irakaskuntza prestakuntza masterra (CAP).
  •     EGA edo titulazio baliokidea.

Bestetik hautagaiek Ikastolen Elkartearen EKI metodologiaren inguruko ezagupenak eta esperientzia izatea ere baloratuko da.

BATXILERGOAN ETA BIGARREN HEZKUNTZAN MATEMATIKA ETA FISIKA/KIMIKA ORDEZKAPENA

Laudio Ikastolak Batxilergoan eta Bigarren Hezkuntzan matematika,  fisika eta kimika arloetako ordezkapena burutzeko irakaslea behar du. Interesatuek ondorengo titulazioa izan beharko dute:

  •     Arlo horietarako behar besteko habilitazioa edota titulazioa.
  •     Bigarren Hezkuntza irakaskuntza prestakuntza masterra (CAP).
  •     EGA edo titulazio baliokidea.

Bestetik hautagaiek Ikastolen Elkartearen EKI metodologiaren inguruko ezagupenak eta esperientzia izatea ere baloratuko da.

HAUR HEZKUNTZAN ORDEZKAPENAK EGITEKO LAN-POLTSA

Laudio Ikastolak Haur Hezkuntzan ordezkapenak burutzeko lan poltsa osatu nahi du. Interesatuek ondorengo titulazioa izan beharko dute:

  •     Hezitzaile teknikaria edo Haur Hezkuntzako magisteritza gradua.
  •     EGA edo titulazio baliokidea.

Lan deialdi guztietan %33 edo ezintasun handiagoa izatea baloratuko da, beti ere agiri bidez egiaztatuta badago.

Lan eskaintza hauetarako izen ematea ikastolaren web guneko lan-poltsa atalaren bidez,  www.laudioikastola.eus , bideratu beharko da azaroaren 9ra arte.

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide