Garbiketa eta jantokiko hezitzaile lanposturako ordezkapen lan poltsa
Laudio Ikastolak garbiketa zein hezitzaile lanetan aritzeko lan poltsa osatu nahi du. Interesdunek lanpostuaren zereginetan aritzeko behar besteko esperientzia izan beharko dute, baita euskara maila egiaztatzen duen titulazioa ere. Bestalde, elikagaiak manipulatzeko karneta beharrezkoa da.
Hezkuntza Laguntza Espezialista lan poltsa
Laudio Ikastolak Hezkuntza Laguntza Espezialista gisa aritzeko lan poltsa osatu nahi du. Interesdunek lanpostuaren zereginetan aritzeko behar besteko prestakuntza bermatzen duen titulazioa izan beharko dute, baita C1 euskara maila egiaztatzen duen titulazioa ere.
Zientzietako irakasle lanposturako lan poltsa
Laudio Ikastolak Batxilergoan eta Bigarren Hezkuntzan zientzietako arloetan irakasle lanetan aritzeko lan poltsa osatu nahi du. Interesdunek ondorengo titulazioa izan beharko dute:
- Arlo horietarako behar besteko habilitazioa edota titulazioa. Ingenieritza lehenestuko du.
- Bigarren Hezkuntza irakaskuntza prestakuntza masterra.
- EGA edo titulazio baliokidea.
Bestetik, hautagaiek Ikastolen Elkartearen EKI metodologiaren inguruko ezagupenak eta esperientzia izatea ere baloratuko da.
Filologia irakasle lanposturako lan poltsa
Laudio Ikastolak Batxilergoan eta Bigarren Hezkuntzan hizkuntza ezberdinetako irakasle lanetan aritzeko lan poltsa osatu nahi du. Interesdunek ondorengo titulazioa izan beharko dute:
- Ingelesa/ Euskara / Frantzesa ikasketetako gradua edo baliokidea.
- Bigarren Hezkuntza irakaskuntza prestakuntza masterra (CAP).
- EGA edo titulazio baliokidea.
Bestetik, hautagaiek Ikastolen Elkartearen EKI metodologiaren inguruko ezagupenak eta esperientzia izatea ere baloratuko da.
Lan deialdi guztietan, Ikastolen mugimenaduarekiko atxikimendua izatea baloratuko da, baita sexu delituen ziurtagiri negatiboa izatea ere.
Bestalde, deialdi guztietan %33 edo ezintasun handiagoa izatea baloratuko da, beti ere agiri bidez egiaztatuta badago.
Bukatzeko, lan deialdi hauetarako izen ematea Ikastolaren web guneko lan-poltsa atalaren bidez, www.laudioikastola.eus, bideratu beharko da urtarrilaren 17a baino lehen.