Elkartasun ekimen hau burutzeko asko izan dira burutu dituzten jarduerak; kamiseta salmenta, zozketak, azokak... . Oraingoan, "crowdfunding" bideo bat egin dute, Ikastolako hezkuntza komunitateari eta gainontzeko herritarrei babesa eta laguntza eskatzen.
Egin zure ekarpena!
Ekonomikoki lagundu nahi izanez gero, aukera bi daude:
Bizum bidez, 688.75.45.35
Transferentzia bidez, Laboral kutxa: ES45-3035-0045-25-0451190567
Kontzeptuan "sahara ekarpena" jarri, mesedez.
Bestalde, Ikastolako idazkaritzan kamisetak salgai ere badituzte.
Ipuin eta liburu bilketa
Aurtengo elkartasun bidaian Bucraa herriko "Logroño madrasa" eskolan liburutegia atonduko dute. Liburutegia hornitzeko espainolez idatzitako ipuin eta liburuak biltzen hasi dira.
Liburu hauek irakurterrazak izatea eskatu digute bertako irakasleek, hango gaztelania maila ez baita hemen dagoenaren berdina. Hori dela-eta, LH 1, 2 eta 3.mailetako ikasleentzat aproposak izan daitezken liburuak bildu nahiko genituzke; natura, familia, laguntasuna, harremanak... jorratzen dituzten ipuinak, alegia.
Liburu edota ipuin hauek azaroaren 21era arte jasoko dituzte, horretarako idazkaritza aurrean jarri den kutxa batean. Eskerrik asko!
Ekintza gehiago
Urriaren 31n, Gau Beltza ekimenaren baitan, kamiseta salmenta, zozketa eta eguna borobiltzeko, Ximenaren musika emanaldia antolatu dute, elkartasun txosnan bokatak dastatzeko aukera ere egongo delarik. Hurbildu zaitez!