Orain arteko balorazioa egiteko unean, pozik agertzen dira, iaz 2.786 saski saldu bait zituzten, Ikastola bien sostengu ekonomikoaz gain, bertoko laborarien artean 100.000 erotik gorako salmenta ere eragin dutelarik. Aurten saskiek iazko salneurri berberak mantenduko dituzte, betiko kalitate bikainarekin:
- Pettarra 52€: Ahate gibel berrosatua, eztia, ardi gazta kiloa, bixkotx sukratuak eta pastak.
- Arbaila 57€: Eztia, bixkotx artisanalak, kilo erdiko bi ardi gazta, bixkotx gatzatuak, erreximenta, pastak eta tisana.
- Basabürüa 70€: Ekoizpen biologikoko lukainka idorra, fusilli pasta xuriak, patea, eztia, piper ezti ozpinan, sagar jüsa, gasna.
Ekimenaren helburuak:
- Zuberoako Ikastolak laguntzea
- Zuberoako tokiko ekoizpenak ezagutaraztea eta dastaraztea
Ipar Euskal Herrian euskarak ez du babes ofizialik. Euskara hizkuntza gutxiagotua da gure lurraldean. Euskararen etxeko transmisioa Zuberoan eteten ari den heinean, Ikastolek euskararen transmisioa bermatzen dute. “Euskara susta dezagun Xiberoko Ikastolak lagunduz!”
Laudio Ikastola kanpainako banaketa puntua izango da. Hau da, erosketak on-line bideratuko ahal izango dituzu azaroaren 22ra arte ikaskoli.eus web gunean eta ondoren otarrak Ikastolan bertan jaso ahal izango dira abenduaren 11tik aurrera.