Uztailean zita berezi bat egongo da gaueko hamar terdietan Laudioko Gaztetxearen azteko zelaian, asteartero. Laudioko Gazte Asanbladak igandeetan egiten duen zineforuma kalera atera nahi du zita horren bidez.
Bihar (uztailak 6) David Lynch zuzendariaren "The elephant man" filma proiektatuko da. Hurrengo asteko asteartean (uztailak 14), berriz, "Lego: The Movie" aminaziozko filmaren txanda izango da. Ikusteko filma bitxia izango dela dirudi, Estatu Batuetan estreinatu zenean "klase borroka" sustatzen zuela salatu baitzuten zenbait talde eskuindarrek.
Hilabeteko programazioa Coen anaien "Fargo" lanarekin amaituko da. Baina ez da hor bukatuko: azken zita horretara doazen ikusleek abuztuko programazioa zehaztuko baitute proiekzioa bukatu ostean.
Hemen ikusi daitezke hiru pelikula horien trailerrak, jatorrizko bertsioan:
"The elephant man"
[video:https://www.youtube.com/watch?v=2ToC4vh_itg]
"Lego: The movie"
[video:https://www.youtube.com/watch?v=fZ_JOBCLF-I]
"Fargo"
[video:https://www.youtube.com/watch?v=h2tY82z3xXU]