Udalerri barruko irisgarritasuna da Gobernu Taldearen lehentasunetako bat, herritarren bizi-kalitatea hobetzen jarraitzen baitu eguneroko joan-etorrietan. Ildo horretan, pertsonak eta ibilgailuak Aiarerri kalera sartzeko bidea berritzea eta hobetzea helburu duen proiektua esleitu da, gaur egun dauden oztopo arkitektonikoak ezabatuz. Zehazki, ezkerreko espaloia zabaltzea dago aurreikusita, ia bi metroko neurriarekin, eta Viña Zaharra kalearekiko lotura hobetzea, bi bideak lotzen dituen bihurgunearen zabalera zabalduz.
Joseba Amondo Obra, Zerbitzu eta Auzoetako zinegotziak azaldu duenez, 'Eskuinaldean dagoen eta Ardantzazar kalearekin lotzen duen eskaileraren eraispen partziala ere egingo da, mailek ez baitituzte irisgarritasun baldintza minimoak betetzen'. Era berean, bi espaloietan, barandak jarriko dituzte egungo eskudelen ordez; ezkerraldearen kasuan, eraikinaren fatxadari atxikita dago. "Azkenik, ez labaintzeko zoladura eta kaleko malda seinaleztatuko duten zerrendak jarriko ditugu", gaineratu du.
Auzotarren eskaera bati erantzutea
Eremu horretan, gainera, zebrabide bat sortuko da, bi kaleak lotuko dituena, eta, horrela, 12. zenbakiko etxebizitzaren atarirako sarbidea hobetuko da.
Ildo horretan, proiektu honekin batera Zumalakarregi etorbideko zebrabidearen aldaketa ere sartuko da, 5. zenbakiaren parean dagoena. Horretarako, "Bide seinaleak jarriko dira, egun ez daudenak, eta zoladura birmoldatuko da, oinezkoentzako sarbidea hobetzeko helburuarekin", zehaztu du Amondok.
Proiektu hau obra txikien foru planaren programari esker finantzatu ahal izan da. Programa hori 35.000 eurotik beherako proiektuetara mugatu da, eta, kasu honetan, 33.814,72 eurokoa izan da guztira. "Hobekuntza horiek aspalditik eskatu dituzte inguruko bizilagunek, eta, azkenean, gauzatu ahal izango dira. Balorazioa egin dugu enpresa esleipendunarekin, eta datorren urte hasierarako amaituta egongo direla uste dugu ", amaitu du Joseba Amondo Obra, Zerbitzu eta Auzoetako zinegotziak.
33.000 euroko inbertsioarekin, esku-hartzea datozen egunetan hasiko da eta datorren urteko urtarrilean amaitzea espero da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide