Joan den 2020ko maiatzaren 27tik, lau urteko indarraldiarekin, indarrean jarri da Udalak eta Euskal Autonomia Erkidegoko (EAE) Administrazio Orokorrak sinatutako lankidetza-hitzarmena, Laudioko Udaleko Erregistrotik administrazio horri zuzendutako idazkiak aurkezteko.
Hitzarmenaren helburua da Laudioko Udaleko erregistroetan EAEko Administrazioari eta haren mendeko edo hari lotutako berezko nortasun juridikoa duten zuzenbide publikoko erakundeei zuzendutako eskaerak, idazkiak eta komunikazioak aurkezten dituzten herritarrei aukera ematea.
Erregistroetan sartzeko data baliozkoa izango da interesdunek epeak bete ditzaten, eta Administrazio Publikoen Administrazio Prozedura Erkidearen urriaren 1eko 39/2015 Legearen 30. artikuluan xedatutakoa aplikatuko da.
Hitzarmen hau, aurrekoa ordezten duena, 2020ko maiatzaren 13an iraungi zen eta osorik kontsulta daiteke www.laudio.eus udal webgunean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
