Laudioarrak izango dira 2020ko sanroke sinbolikoen salbuespeneko pregoilariak

Erabiltzailearen aurpegia
2017ko sanrokeen txupinazoa./ Aiaraldea.eus

COVID-19k eragindako osasun-krisia hasi zenetik izan duten portaera eredugarria ezohiko moduan aitortzea da helburua.

Aurten, udalak Laudioko herria salbuespeneko pregoilari izendatzea erabaki du. Ez dago jairik eta, beraz, ez dago pregoirik, baina udalak xehetasun berezia eman nahi die laudioarrei, COVID-19ren pandemia ofizialki onartu zenetik izan duten portaera eredugarria dela eta.

Esker oneko keinu sinbolikoa da, laudioar batentzat ez baitago bere jaietako pregoilaria izatea baino harrotasun handiagorik eta, horregatik, udalak Laudioko herria pregoilari aparta izendatzea erabaki du.

Oso erabaki zaila izan da sanrokeak bertan behera uztea, baina askotan errepikatu da azken aste eta hilabeteetan, gobernu-taldearentzat, garrantzitsuena bizilagunen osasuna da, eta ez dugu baimenduko edo gauzatuko arriskuan jar dezakeen jarduerarik.

Hala ere, Laudioko Kultura eta Jai arloek herriko hainbat gizarte eta kultur eragilerekin lan egiten jarraitu dute eta jarraitzen dute, formatu txikiko ekitaldi ludiko-kulturalak antolatzeko, kultUDA – Laudio Zabalik izenarekin, 2020ko udan eta udazkenean.

Beti esparru eta espazio kontrolatuetan, pilaketak saihestuz eta indarrean dauden osasun- eta segurtasun-neurriak betez eta betearaziz.

Ostalaritza sektorearekin bilera

Gobernu taldeko kide batzuk, atzo arratsaldean, herriko ostalariekin bildu ziren, lokalen barruan eta terrazetan datozen egunetan egon daitezkeen pilaketak saihesteko jardunbideak elkarrekin zehazteko.

Udalak ostalaritzaren sektore osoaren erantzukizuna eta zuhurtzia eskatu zituen Covid-19aren hedapena geldiarazteko. Era berean, aurreratu zuten Udaltzaingoa oso zorrotza izango dela araudia betez, eta Ertzaintzaren hainbat unitaterekin zaintza indartuko dela.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide