Zaborrak bildu eta ezabatzeko zerbitzua emateagatiko tasa, 2019koa, borondatez ordaintzeko epea ireki da

Erabiltzailearen aurpegia
Bi hilabetez egongo da ordainketa egiteko epea zabalik. / Aiaraldea.eus

Borondatezko aldian dirua biltzeko epea bi hilabetekoa da; 2020ko abuztuaren 14an hasi zen eta 2020ko urriaren 14an amaituko da, biak barne. Diru-sarrerak gehituta, Udalak udal-baliabideak eta -zerbitzuak bermatu ahal izango ditu, eta, horrez gain, COVID-19k eragindako krisiaren ondorio negatiboak arintzen lagundu ahal izango du.

Udal Kudeaketa Arloko Ekonomia eta Zerga Kudeaketako Zerbitzuak Laudioko zaborra bildu eta deuseztatzeko zerbitzua emateagatiko tasari buruzko errolda kontributiboa egin du, 2019ko ekitaldiari dagokiona.

Horretarako, borondatezko aldian dirua biltzeko epea bi hilabetekoa izango da, 2020ko abuztuaren 14tik 2020ko urriaren 14ra, biak barne. Halaber, helbideratutako ordainagiriak aurtengo irailaren 14an kobratuko dira.

Tasa horren ordainketa helbideratuta ez duten pertsonentzat, Kutxabank, Laboral Kutxa eta Caja Rural de Navarrako sukurtsalen bidez egingo da diru-bilketa, banku-erakunde horiek irekita dauden ordutegiaren barruan, kobratzeko ardura duen banku-erakundeak bidaltzeagatik etxean jasoko duen ordainagiria aurkeztearen aurka. Ordainagiria galdu edo jaso ezean, ale bat bikoiztuko da Udaleko Herritarrentzako Arreta Zerbitzuan (HAZ). 

Borondatezko aldian dirua biltzeko epea amaitutakoan, ordaindu gabeko kuotak premiamendu-prozeduran sartuko dira automatikoki, legez ezarritako errekarguak eta, hala badagokio, berandutze-interesak eta sortzen diren kostuak gehituta.

Ordainketa digital-pasabidearen bidez

Hala nahi duten auzotarrek tasak eta zergak ordaindu ahal izango dituzte edozein finantza-erakunderen kreditu-txartelarekin. Horretarako, www.laudio.eus web-orriaren bidez eskura daiteke pasabide digitala, nire ordainketaren atalean sartuta (https://www.euskadi.eus/y22-pay/es/p12uiPaymentWar/p12uiRPCDispatcherServlet).

Horrela, egungo Gobernu-taldeak orain arte egin ez diren aurreko ekitaldietako tasa eta zergen kobrantzak erregularizatzeko eta eguneratzeko konpromisoa hartzen jarraitzen du. Zeregin horrekin, gainera, Udalaren diru-sarrerak handitu ahal izango dira; horri esker, udal-baliabideak eta -zerbitzuak bermatu ahal izango dira, bai eta COVID-19k eragindako krisiaren ondorio negatiboak arintzen lagundu ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide