COVID-19ren pandemiak eragindako ezohiko egoera dela eta, Laudioko Udalak martxoaren 12a baino lehen erregistratutako edo ordaindutako abonu-kuota guztien % 50 itzultzea erabaki du, salbuespenik gabe.
Joseba Amondo Kirol zinegotziak jakitera eman duenez, "Alarma Estatu izendatu aurretik ordaindu ziren ikastaroetako matrikula guztien zenbateko osoa ere itzuliko da".
Prozesu automatikoa
Kirol-abonamenduen eta ikastaroetako matrikulen zenbatekoak automatikoki itzuliko dira, udalak ordainketa helbideratuta duten pertsonei banku-transferentzia eginez. "Hala ere, ordainketa modalitate horrekin egiten ez duten herritarrek urriaren 1etik 31ra bitartean jo ahal izango dute Herritarrentzako Arreta Zerbitzura", amaitu du Kirol zinegotziak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
