Ecovidriok, Espainian beirazko ontzien hondakinak birziklatzeko kudeaketaz arduratzen den irabazi-asmorik gabeko erakundeak, martxan jarri du “Recicla vidrio por ellas” kanpainaren bosgarren edizioa. Ekimen honen helburua herritarrok beirazko ontziak birziklatzearen garrantziaz arduratzea da, ingurumena zaindu dezagun, baita kausa solidario bati laguntzea ere: bularreko minbiziaren prebentzioa.
Gaurtik aurrera eta datozen bi asteetan zehar, 2 iglu arrosa egongo dira kokatuta Alberto Acero plazan. Ecovidriok edukiontzietan utzitako beirazko ontziak, Minbiziaren Aurkako Elkartasunaren Sandra Ibarra Fundazioarentzako donazio bihurtuko ditu.
Oraingo honetan, kapaina Espainiar Estatuko 140 hiritan baino gehiagotan zabaldu da, herritar gehiago sentsibilizatzeko asmoz. Hori dela eta, Ecovidriok 370 edukiontzi arrosa baino gehiago kokatu ditu estatu osoan. Gainera, Sandra Ibarra, bere izena daraman Fundazioko presidentea, proiektuaren enbaxadore izendatu dute.
Bularreko minbiziaren kontzientziazioaren eta elkartasunaren ikur gisa, Agatha Ruiz de la Pradak iglu txiki berezi bat diseinatu du, non Sandra Ibarra Fundazioaren leloa nabarmendu duen: "Bizitzaz beteta". Iglu txiki hori Miniglú.es, webgunearen bidez erosi ahal izango da, eta salmenten bidez lortutako dirua Sandra Ibarra Fundaziora bideratuko da, minbiziaren prebentzioan eta ikerketan laguntzeko.
Beira birziklatzeari buruzko datuak Laudion
2019ko azken datuen arabera, Laudioko biztanleek guztira 488 tonako beirazko ontzi birziklatu zituzten, hots, biztanle bakoitzak 27 kg birziklatu zituen, bataz beste.
Edukiontzi-tasari dagokionez, Laudion 206 biztanle inguru daude edukiontzi bakoitzeko, eta guztira 88 iglu daude jarritako beirazko ontzien hondakinetarako.