Laudioko Udalak, pandemiaren bilakaerari eta COVID-19k gizartean eragiten dituen ondorio soziosanitarioei jarraituz, jakinarazi berri du azaroaren 2tik aurrera, astelehenetik aurrera, Herritarrentzako Arreta Zerbitzura (HAZ) baino ezin izango dela joan, aurrez hitzordua eskatuta.
Horretarako, garrantzitsua da gogoraraztea administrazio-kudeaketak ere egin daitezkeela udal-instalazioetara joan beharrik gabe. Adibidez, kontsultak 010 telefonoaren bidez edo 944034800 telefonoaren bidez egin daitezke, Laudiotik kanpo deituz gero. Mezu elektroniko bat ere bidal daiteke laudio@laudio.eus helbidera.
Dokumentazioa entregatu edo erregistratu ahal izateko, www.laudio.eus egoitza elektronikoaren bidez bidal daiteke, baita laudio@laudio.eus posta elektronikoaren bidez ere. Aurrez aurre Hazen joateko, 010 edo 944034810 telefono zenbakietara deitu beharko da aldez aurreko hitzordua lortzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
