Udalak maiatzeko KULTudaberria kartela aurkeztu du

Erabiltzailearen aurpegia

Larunbatean hasi eta hilaren 30era arte, herritarrek dantza, meza eta flamenko emanaldiak izango dituzte, baita antzerkia, ipuin kontaketak eta zuzeneko musika ere, COVID-19ri aurre egiteko beharrezkoak diren segurtasun neurri guztiekin.

Maiatza heldu da, eta, horrekin batera, datozen 31 egunetan egingo diren kultur jarduerak, KULTudaberria programaren babespean. Laudioko Udaleko Kultura Sailak bultzatutako ekimena joan den martxoan hasi zen, eta herritarren artean arrakasta handia lortzen jarraitzen du, zuzeneko musika, bakarrizketak, antzerkia eta dantza erakustaldiak protagonista dituen publiko guztiarentzako eskaintzarekin.

Horrela, 2021eko udaberria aurreratuta, Laudioko Udalak kultura segurua eta kalitatezkoa sustatzen jarraitzen du, kontuan hartzen baita beti udalerriak bizi duen egoera soziosanitarioa eta bete beharreko segurtasun-neurriak. Horri esker, orain arte jarduera asko egin dira Alberto Acero plazan, Herriko Plazan, Aldai Plazan eta Gardean jarritako diseinu gardeneko karpan.

Maiatzean zehar, laudioarrek Veracruz hirukotea, Itzarkundia Dantza Taldea, Nai malabarista eta 'Munduan mozorroturik' ikuskizuna, Txomin & Txistuman, Dr. Lawson, eta Boni Ofogo handia, ipuinak, elezaharrak eta antzerkia Trapu Zaharra taldearekin ikusteko aukera izango dute.

Andaluziako programa berezia

Halaber, maiatzaren 22an, 12:30ean, Udalaren babesarekin, meza egingo da, Andaluziako Nuestra Señora del Rocío etxeak antolatuta. Arratsaldean, 18:30ean, Rubito Hijo kantautorearen flamenko emanaldia, Antonio Caceres gitarra jotzailea eta Alejandro Rodriguez dantzaldia izango dira ikusgai.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide