Laudiok sanrokeetako jai egitarau guztiak digitalizatu ditu 1945az geroztik

Erabiltzailearen aurpegia Laudioko Udala 2021eko ekainaren 14a

1.000 eurotik gorako inbertsioarekin, herritarrek, beren gailu elektronikoetatik erosotasun osoz, joan den mendearen erdialdetik 2019ra bitarteko jaiei buruzko informazioa eta argazkiak biltzen dituzten 76 dokumentu kontsultatu ahal izango dituzte udalaren webgunean.

Teknologia berriek dokumentazio historikoa eskuratzeko aukera ematen digute, egoera natural edo originalean, batzuetan kontsultatzeko edo eskuratzeko zaila dena. Horregatik, San Roke jaietako egitarau guztiak digitalizatzen ari dira, informazio historiko garrantzitsua eta ondare-balio handiko argazkiak baitituzte. Horrela, 1945etik 2019ra bitarteko dokumentu guztiak digitalizatuko dira, baita 1935ekoa ere, hau da, 76 programa guztira. Tarteko urteetakoak ez dira lortu, baina agertuko balira, digitalizatu ere egingo lirateke.

Formatua

Materiala digitalizatuta aurkeztuko da udalaren webgunean (www.laudio.eus), TIFF formatuan 300 ppp-tan eta koloretan, JPEG masterrean 300 ppp-tan eta koloretan, JPEG hedapenean 175 ppp-tan eta koloretan eta PDFetan OCRrekin (testua ezagutzea). Programa guztiak digitalizatzeko eta tratatzeko 1.045,44 euroko inbertsioa egin da.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide