Laudioko herritar askoren ustez, eguraldi ona eta udako oporrak direla eta, asko dira udalerrian gaueko aisialdiaz gozatzen hasten direnak. Hala ere, Udalak ohartarazi duenez, pandemia eta horren ondorio gogorrenak egunero agertzen dira, ordutegi- eta leku-mugarik gabe. Hori dela eta, Udalak Lamuzako Parke enblematikoa ixteko erabakia hartu berri du, larunbat gauetik igande goizaldera arte. Hau da, sarrera publikoa larunbateko 23:00etatik igandeko 06:00etara mugatuko da.
Neurri horrekin, azken asteotan leku horretan asteburuetan eta, bereziki, larunbat gauetan izaten ari diren kontzentrazio handiei galga jarri nahi zaie. Horrela, COVID-19ren agerraldi berriak sor ditzaketen topaketa masiboak saihestu ahal izango dira.
Parkera sartzeko murrizketa, ordu batzuetan, datozen hilabeteetan egongo da indarrean, eta pandemiaren bilakaeraren arabera egokituko da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
