Lamuzako udal kiroldegiak badu kirol zoladura berria erabilera anitzeko kantxan. Aurretik zegoen lurzoruaren ordez, pago egurrezko oholtza trinkoa jarri da, eta altxatu diren 450 metro karratuak Latiorro HLHIko gimnasioetako batean berrerabili dira, ingurumen-estandarretan hondakin gutxiago sortzeko ezarritako berrerabiltze-politikari jarraituz.
Hala ere, kirol-espazioaren kanpoaldeko hiru hormak (guztiak harmailetakoa izan ezik) estaltzen zituen frisoaren birgaitze prozesuan, egurraren euskarria zen arrastelu-egituran karkoma aurkitu zen. Karkoma ohol askotara pasatuta zegoenez, egoera txarrean zegoen egurra kentzea eta taulamendua eta isolamendua osorik berrezartzea erabaki zen. Horrek guztiak % 17 handitu du hasierako aurrekontua, 18.149,87 euro gehiago. Lanek 127.532,73 euroko kostua izan dute.
Errendimendu handiko kirol-sistemak ezaugarri hauek ditu:
- Korapilorik gabeko akaberako pago-egurrezko oholtza trinkoa, 22 mm-ko lodierakoa, fabrikan lixatua eta bernizatua, gutxienez bost berniz geruzarekin.
- Ezkutuan iltzatutako taulak, 45 mm-ko zabalera eta 28 mm-ko altuera eta ardatzen artean 366 mm-ko distantzia duten egurrezko arrasteluen gainean.
- 9 mm-ko kirol-aparra arrasteluen azpian, multzoari malgutasuna emanez. • Hezetasunaren aurkako 0,15 mm-ko lodierako mintz plastikoa jatorrizko gainazalaren gainean, lotura guztietan 20 cm solapatuta.
- ISO 9001 arauaren arabera fabrikatutako egurrezko oholtza.
- UNE-EN 14904rekin ados: Kirol-eremuetako azaleretarako errendimendu handiko A4 klasea
- FlBA ziurtagiria.
- Iparraldeko pinuzko egurrezko frisoa, 140x28 mm-ko sekzioa duten
oholetan. - BONDEX inprimazio-tratamendua geruza bikoitzean, egurraren babes gisa. • Tratatutako iparraldeko pinuzko listoiez egindako arrastelu-egitura.
- Beira-zuntzezko artilezko isolamendua arrastelu termikoen artean.