Ermualdeko ondare-multzoaren barruan, eta San Antonio (Santa Apolonia) baselizatik gertu, antzinako elur-zulo bat dago. Eta egokitu nahi da, hondatu ez dadin eta beste ondare baliabide bat bezala erakutsi eta ustiatzeko.
Berez, neguan elurra metatzeko erabiltzen zen leize bat da. Gero, udan kontsumitzen zen, beroak gehien estutzen zuenean. Udalerrian ditugun elur-zulo bietako bat da.
Edozein esku-hartze egin aurretik, eta udalak izendatutako aholku-batzorde zientifikoaren gomendioei jarraituz (2019), barrunbea garbitu eta hustu egin da baina, aldi berean, arkeologia-talde batek ikuskatu du, lanen jarraipena egiteko.
Hori funtsezkoa da elementuari buruzko informazio zehatza lortzeko, nola interpretatu eta ondoren birgaitu jakiteko eta, era berean, kalteak saihesteko bertan lan egiten den bitartean.
Esku-hartze hau, udaleko obra eta kultura ondarerako zerbitzu unitateek gauzatu dute, elkarlanean, eta Arabako Foru Aldundiaren dirulaguntza bat ere jaso da ikerketa horretarako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
