Laudiok Euskararen Nazioarteko Eguna ospatzeko ekitaldiak antolatu ditu

Erabiltzailearen aurpegia

Egitarauak, euskara protagonista izango duten hamar ekitaldi baino gehiago jasoko ditu asteburu osoan zehar.

Laudioko Udalak, Euskara Zerbitzuaren bitartez, abenduaren 3an ospatzen den Euskararen Nazioarteko Egunarekin bat egiteko egitarau zabala prestatu du. 

Egitarauak, euskara protagonista izango duten hamar ekitaldi baino gehiago jasoko ditu asteburu osoan zehar. Magia, bertsoak, zinema, musika edo kaleko antzerkia izango dituzte laudioarrek abenduaren 3tik 5era. “Ekitaldi guztien ardatza euskara izango da. Gure bizitzan beti presente dagoen eta Laudioko Udalak esparru eta leku guztietara eramaten duen hizkuntza", nabarmendu du Ander Añibarro, Laudioko alkateak.

Aiarako Euskararen Eguneko festara joan nahi dutenak larunbatean, hilaren 4an, ondoan dagoen Luiandora hurbildu beharko dira.

Abenduak 3, ostirala

12:00 // Adierazpen instituzionalaren irakurketa Alkatearen eskutik. Jarraian, irakaskuntza zentroen adierazpenak: Fabian Legorburu, Ikastola, La Milagrosa, Lamuza, Latiorro, Laudio Institutua, Laudioalde eskola, AEK euskaltegia eta Udal Euskaltegia. 

12:15 // Adierazpenekin tartekatuta, Arloteen laguntzarekin, "Araban bagare", "Kontrapas" eta "Txoria txori" kantuak abestuko dira. 

12:30 // Arloteak taldeak girotuko dute herriko herrigunea, euskal abestiekin.

17:30 // Oliver magoa. Erdi Aroko ipuin magikoa ikuskizuna. Aldai plaza.

19:00 // Bertsolariak Laudioalde eskolan (3 euro): Andoni Egaña, Maialen Lujanbio, Miren Amuriza eta Jon Maia. Gai-jartzailea: Izar Mendiguren. 

20:00 // Akordeoi eta piano kontzertua Ezust Duo taldearen eskutik (Garazi Navas eta Ignacio Arakistain). Elizan

20:30 // Kaleko antzerkia. Panoli Kabareta ikuskizuna Ganso konpainiaren eskutik. Zubiko-Kurajo gunean. Euririk izanez gero, Aldai plazan. 

20:30-22:00 // trikitia herriguneko kaleetatik.

Abenduak 4, larunbata

Goizean: Luiaondon egingo da eskualdeko euskararen jaia.

18:00 // Umeentzako disko-jaia. Aldai plaza.

18:30 // Urtzen Telmo Esnalen dokumentala. Laudioalde, 3 euro. 

18:30 // Luze edo motz nagusientzako binakako elkarrizketa. Mirari Martiarena eta Idoia Torregarai. Genero kontuak umore bihurtuta. Lamuza parkeko Kasinoan. Doakoa. 

20:00-22:30 // ORKRESTA elektrotxaranga, herriguneko kaleetatik.

Abenduak 5, igandea

11:30 // Bisita antzeztua Lamuza parkearen historia ezagutzeko. 

17:30 // “Tximinoen izarra” nagusientzako euskarazko pelikula. 3 euro, Laudioalde.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide