Laudioko Udalak Aretako markesina berrian egindako ekintza bandalikoak gaitzetsi ditu. Autobus geltoki berria atzo bertan, abenduaren 28an, instalatu zuten, eta 24 ordu baino gutxiagoan pintadekin agertu da.
Ez da Laudion gizalegearen kontrako horrelako ekintzak egiten diren lehen aldia. Abenduaren 13an Zubiko Kurajo kaletik Latiorrora doan lurpeko pasabideko sabaian dauden argiak apurtu zituzten. Azaroaren amaieran, Zumalakarregi kaleko igogailu panoramikoaren aurkako ekintza bandalikoak egin ziren, ateak, barruko eta kanpoko beiratea, kabinako operadorea eta abar kaltetuz.
Udalak, “guztion ondareari eraso egiten dioten” horrelako ekintza bandalikoak deitoratu eta gaitzetsi ditu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
