Laudioko Udalak Alberto Acero plazako lorategien aurkako ekintza bandalikoak gaitzetsi ditu

Erabiltzailearen aurpegia Laudioko Udala 2022ko urt. 5a, 05:50

Bi lorontzi hondatu dituzte. / Laudioko Udala

Alberto Acero plazan dauden bi lorontziak hondaturik geratu dira Gabonetan, ekintza bandalikoen ondorioz. Joan den astelehenean, urtarrilaren 3an, Laudioko gune horretan dauden bi lorategietako loreak eta landareak erauzita eta babeserako oihala urratuta esnatu ziren.

2020ko udan Udalak Alberto Acero plaza landarez apaintzea erabaki zuen zuen. Hala ere, urte horren amaieran, Laudioko Udalak lorontzien ureztatze-sistema konpondu eta loreak birlandatu behar izan zituen, garai hartan gertatu ziren ekintza bandalikoen ondorioz. Ez da gertaera isolatua. Azken urteotan, lorontzi horien aurkako erasoak askotan errepikatu dira:

  • LORATEGIEN UREZTATZE-SISTEMAREN KONPONKETA (2020KO UZTAILAREN 13A): 49,61 €
  • LORATEGIEN UREZTATZE-SISTEMAREN KONPONKETA (2021EKO UZTAILAREN 17A): 87,74 €
  • LORATEGIEN UREZTATZE-SISTEMAREN KONPONKETA (2021EKO AZAROA): 328,31 €
  • 94 LORE-TAPIZ KALTETU (2021EKO AZAROA): 982,30 €
  • KALTETUTAKO LORE-TAPIZAREN 94 ALE KENTZEA-BIRJARTZEA (2021): 483,84 €
  • GEHIEN KALTETUTAKO BI LORONTZIEN BERREZARPENA (2021EKO ABENDUA): 2.176,55 €
  • GUZTIRA: 4.108,35 €

Udalak gizalegearen kontrako ekintza horiek gaitzetsi eta deitoratu ditu, eta altzariak eta tokiko ondarea errespetatzeko eta zaintzeko eskatu die herritarrei.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide