Laudioko Udalak martxoaren 11tik 30era bitartean, biak barne, jarriko du abian herrian euskara bultzatzeko eta sustatzeko helburua duen “Euskara, sari ziurra” kanpaina. Ekimenean eta sarien zozketan (5.362 opari zuzen eta 36 opari berezi) parte hartu nahi duten laudioarrek kanpainari atxikitako 82 establezimenduetako edozeinetara joan eta gutxieneko elkarrizketa bat izan beharko dute euskaraz. Agur hutsa izan daiteke, betiere pertsona bakoitzaren gaitasunen arabera. Jarraian, bezeroari txartel bat emango zaio, lortutako saria zein den jakiteko.
Sari berezien zozketa martxoaren 31n, ostegunean, egingo da, 20:00etan Aldai plazan, Korrika Laudiotik igarotzean.
Zuzeneko opari asko beste lokal partaide batean jaso beharko dira, euskara berriro erabiliko dela aurresuposatuz. Horrela, Udalak interakzio linguistiko eta komertzialerako sarea osatu nahi du. Euskararekin alde guztiek irabazten dutelako. Hortik leloa: Euskara, sari ziurra.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
