Laudioko Udalak bisita gidatua antolatu du Arraño mendira ekainaren 12an, 10:00etan, bertako ondare naturala ezagutzera emateko. Zehazkiago, han ikus daitezkeen orkidea basati espezie ugariak ezagutarazteko. Izan ere, Arraño mendian 20 orkidea basati espezie baino gehiago hazten dira neguaren amaieratik udazkenera arte, biodibertsitate handiko eta ondare natural aberatseko gunea eskainiz. Espezie horietako bi, gainera, Espezie Mehatxatuen Euskal Katalogoan daude.
Proposatutako ibilbideak bi ordu iraungo du eta Lamuzako parkean hasiko da. Gainera, Laudiokoloreak ekimeneko kideek dinamizatuko dute. Jarduera euskaraz eta gaztelaniaz egingo da eta guztira 12 plaza izango ditu. Parte hartu nahi dutenek Udaleko Ingurumen Sailean izena eman beharko dute (944 034 870) edo hirigintza@laudio.eus helbidera idatzi.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
