Dozenaka lagun hurbildu dira igande honetan Laudiora Aiaraldeko lehenengo Boluntariotza Azokara

Erabiltzailearen aurpegia

Dozenaka lagun hurbildu dira Laudiora Batekin Arabako Boluntarioen Agentziak, Aiarako bailarako elkarteekin batera antolatu duen Aiaraldeko lehenengo Boluntariotza Azokara. Herriak jai egun solidarioa eta, batez ere, partehartzailea, bizi izan du. Izan ere, hurbiltzea erabaki dutenek programatutako jarduera guztietan parte hartu dute, etxeko txikiek batez ere.

Herritarrek elkarteei eta boluntarioei ere omenaldia egin diete goizean Aldai plazan, Loli Muriel Laudioko Udaleko Garapen Sozialeko zinegotzia, Encina Castresana Aiarako Kuadrillako presidentea, Marian Olabarrieta Eusko Jaurlaritzako Gizarte Zerbitzuetako zuzendaria eta Emilio Sola Gizarte Politiketako foru diputatua buru izan diren ekitaldian. “Gure konpromisoa eta babesa helarazi nahi dizkizuegu, eskualdean egiten ari zareten lanak atzerapauso bat bera ere eman ez dezan, baizik eta egunetik egunera pixka bat gehiago indartu eta ikusarazten jarrai dadin”, adierazi du Laudioko udaleko zinegotziak.

Jardunaldiari amaiera emateko, zientzia eta ipuin kontalari tailerrak eta bingo solidarioa antolatu dituzte. Gainera, Batekin Arabako Boluntarioen Agentziak Laudioko eta Amurrioko saltokietan kontsumitzeko 4 kupoi zozketatu ditu bertaratutakoen artean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide