Bizilabe Laudion izango da datorren ikasturtean, gazteen artean zientzia eta teknologia sustatzeko

Erabiltzailearen aurpegia

Urrian hasita, gaztetxoek zientzia eta teknologia proiektuak egiteko aukera izango dute, ikertzaile profesionalen eta hezitzaileen laguntzarekin.

Datorren ikasturtean, 2022-2023an, Laudioko Udalak eta Elhuyarrek Bizilabe Laudio aisialdi-eskaintza jarraitua gazte laudioarren aukeran jarriko dute.

Herriko gaztetxoek (2011-2012an jaiotakoek) zientziarekiko eta teknologiarekiko interesa eta motibazioa, ekintzailetza eta sormena landuko dituzte han. Horretarako, astero bildu, eta esperimentuak eta proiektuak egingo dituzte, STEAM (Science, Technology, Engineering, Art and Mathematics) arloetako profesionalekin batera eta hezitzaileen laguntzarekin, gaitasunak landu eta garatzeko. Bestalde, eskualdeko industria-sektorea sustatzeko eta teknologiaren eta teknikaren alorrean kualifikazio handiko profesionalak sortzeko apustua ere egiten du proiektuak. Elhuyarrek 2011tik martxan duen gazteentzako ikerketa-zentroen sarea da Bizilabe. Bilbon (Deusto eta Otxarkoaga), Nerbioi-Ibaizabaleko herrietan, Tolosaldean (Tolosa eta Zizurkil) eta Debabarreneko herrietan (Elgoibar eta Soraluze) du orain eskaintza, eta, esan bezala, 2022-2023 ikasturtean Laudiora iritsiko da. Bizilabe zentro berria Ugarte kaleko Gaztelekuan egongo da.

Eskaintzaren xehetasunak:

  • Zer: Bizilaberen Izan ikertzaile eta asmatzaile ikasturteko programa
  • Non: Laudioko Gaztelekuan (Ugarte kalea, 4).
  • Noiz: urrian hasita, asteazkenetan
  • Ordutegia: 16:30-18:00
  • Adina: LH5-6 (2021-2012an jaiotakoak)
  • Prezioa: 30 € / hiruhileko

Izen-ematea

Izena emateko epea uztailaren 4tik irailaren 19ra arte egongo da zabalik. Udaletxean bertan eman daiteke izena. Guztira, 15 plaza eskainiko dira. Eskabideek eskainitako plaza kopurua gainditzen badute, zozketa egingo da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide