Laudio datorren abuztuaren 26an “Baserritar eguna” hartzeko prestatzen ari da

Erabiltzailearen aurpegia Laudioko Udala 2022ko uztailaren 6a

Ekoizleek uztailaren 15era arte aurkeztu ahal izango dute eskabidea.

Laudioko Udalak ia dena du prest 2022ko Sanrokeetarako. Eta aurten ere ez da Baserritar Eguna faltako abuztuaren 26an, 09:30etik 14:30era. Horretarako, Udalak interesdunen eskura jarri ditu postuak emateko oinarriak. Oraingo honetan, lehen sektorea eta, bereziki, karbono-aztarna murrizteko 0KM produktuak –GJHen 2030en jarduketa-ildoetako bat– sustatu nahi dituen merkatua Herriko Plazan eta Aldai Plazan egingo da.

Azokaren edizio berri honetan 120 postu egongo dira, bertako produktuak eta artisautza erakusteko. Beste sei, hornigintza edo saskigintza bezalako diziplinetarako erreserbatuko dira. Parte hartu nahi duten ekoizleek uztailaren 15era arte aurkeztu ahal izango dute eskabidea, egun hori barne, Udaletxeko HAZn, udal egoitza elektronikoan edo Administrazio Publikoen Administrazio Prozedura Erkidearen Legean zehaztutako moduan. Halaber, inprimakian, salduko diren produktuen zerrenda adierazi beharko da.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide