Lehiaketaren edizio berri honetan guztira 22 pertsonek hartu dute parte.
Astelehenean izan zen hogeita laugarren edizioa bete duen 2022ko sanrokeetako ohiko Pintura Lehiaketa. Parte-hartzaileek zenbait ordu eman dituzte herriko hainbat espaziotan irudimenari hegan egiten uzten, lehiaketaren edizio berri honetan ere epaimahaia harrituta uzteko.
Guztira, 22 pertsonek hartu dute parte. Eta lan guztien artean, azkenik, Iker Mugarza izendatu dute irabazle. Bigarren saria José Reyesentzat izan da eta hirugarrena Carlos Espigak jaso du.
Hiru lan zoragarri horiez gozatu nahi dutenek Nina, La Boheme eta Santa Maria Harategia saltokietako erakusleihoetara hurbildu ahal izango dira. Horietan egongo dira ikusgai abuztuaren 29ra arte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
