Laudioko Udalak bihar, abuztuak 26, irekiko du 10 Peoi Espezialista plazetan izenaemateko epea. Langile horien eginkizunen artean hauek egongo dira: bide publikoan obra txikiak egitea, lorezaintzan esku hartzea eta lanak egitea, ikuskizun eta ekitaldi publikoetarako elementuak garraiatzea, muntatzea eta desmuntatzea, hiri-altzarien eta instalazioen mantentze-lanak egitea, elektrizitate-lanak gauzatzea, etab.
Eskaintza honetan izena emateko baldintza hauek bete behar dira, besteak beste: DBHko titulua, Eskola-graduatua edo baliokidea, B Motako gidabaimena eta 1. Hizkuntza-eskakizunaren baliokidea den euskara-maila izatea. Euskararen eskakizuna beteta eduki daiteke izena emateko orduan, edo azterketa bat egin daiteke prozesuan zehar maila egiaztatzeko.
Prozesuak bi azterketa izango ditu, biak test motakoak, oinarrietan sartzen diren 15 gaiei buruzkoak eta, oro har, lanpostu horien berezko funtzioei buruzkoak. Era berean, prozesuan zehar beste alderdi batzuk baloratuko dira, hala nola aurretiko esperientzia edo berariazko prestakuntza igeltserotza, iturgintza, pintura, elektrizitatea edo lorezaintza bezalako arloetan.
Izena emateko epea irailaren 23ra arte egongo da zabalik. Izena eman nahi dutenek egoitza elektronikoaren (www.laudio.eus) edo Udalaren HAZen bidez egin ahal izango dute. Oinarriak eta beharrezko dokumentazio guztia udal webguneko Enplegu Publikoaren Eskaintza atalean kontsulta daitezke.
Hautaprobetan hautagai gisa izena ematea eskatzen dutenek azterketarako eskubide-tasak ordaindu beharko dituzte, indarrean dauden Udalaren ordenantza fiskaletan agertzen den moduan. Kasu guztietan, azterketarako eskubideakeskabideak aurkezteko epearen barruan ordaindu beharko dira.