Laudioko Udalak senidetutako Aldeaquemada herria bisitatzeko autobusa antolatu du

Erabiltzailearen aurpegia Laudioko Udala 2022ko irailaren 12a

Autobusa irailaren 30ean abiatu eta urriaren 2an itzuliko da.

Laudioko Udalak Jaengo Aldeaquemada udalerri senidetua bisitatzeko autobusa antolatu du. Joan den abuztuan, Andaluziako herri horretako ordezkariek Laudioko San Roke jaietan hartu zuten parte, eta, irailaren amaieran, Udaleko zinegotzien ordezkaritza batek eta hala nahi duten herritar denek bisita itzuliko diete.

Laudiok Aldeaquemadan jatorria duten herritar ugari ditu, eta hortik dator Laudioko udalerriaren eta Jaengo udalerriaren arteko senidetasuna. Bisita irailaren 30erako programatuta dago eta autobusa goizeko 10:00etan irtengo da institututik. Itzulera bi egun geroago izango da, urriaren 2an, arratsaldeko 16:00etan.

Bidaiak 30 euro balio ditu, eta gaurtik, irailaren 12tik, aurrera eman daiteke izena HAZen, hilabete honen 26ra arte. 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide